عن
قابلو عيشة الدعيكي
انا عيشة الدعيكي، من ليبيا لكن عايشة في قطر. انا في ثاني سنة في الجامعة، نقرا في علوم كومبيوتر مع تخصص فرعي في العلاقات الدولية. ندوي عربي، انجليزي، تقريبا اسباني، ونقدر نفهم فرنساوي. عندي هلبا هوايات، منهم التصوير، التصميم القرافيكي، الرقص، القراءة، ركوب الخيل، العومان، المناظرة بالعربي والانجليزي، تطوير صفحات ويب، وبناء روبوتات. قاعدة نتعلم كيف نعزف على الكمان، .تصميم واجهة المستخدم، وحاجات تانية هلبا
نحب نتعلم علي علوم مختلفة زي : الأنثروبولوجيا وعلم الفلك وعلم الأحياء الفلكي وعلم الجريمة وعلم الأشعة والتاريخ والسياسة والجغرافيا السياسية وعلم الآثار وعلم الأعراق وعلم النفس البشري وعلم الاجتماع والتكنولوجيا والجيولوجيا واللغات والفلسفة؛ باختصار، مدامها مش جغرافيا، انا مهتمة
انا مدايرة هادي البلوج بش نشارك المعلومات العشوائية الي نتعلمها و برضو تجارب في الحياة. بشكل رئيسي، انا مدايرتها لروحي قبل أي حد تاني، فلهاذا مصداقية المعلومات مش اكيدة مية فلمية. مع هذا حنحاول اني ديما نحط المصادر الي نتعلم منها
:,) حنحاول اني ننشر بالثلاثة اللغات الي نعرفها لكن مانعطيكمش كلمة لان ماعنديش هلبا وقت فاان شاءالله خير